大家好，我就係一督。係講棟篤笑之前我都要巡例講下「何為棟篤笑」，棟篤笑既精髓其實係引d觀眾入黎，棟係到睇住佢地笑。

佢地笑d咩，我諗係笑點解有人會為左百靈蚊就棟左出黎，被人笑。

呀！你地仲笑鍋，咁有係既，比左錢，幾大都笑下啦。就算唔好笑都要笑，唔係唔扺呀。

怪得之許冠文d棟篤笑咁好笑啦， d飛咁貴。早知我d飛賣900蚊一張啦，咁就一定好好笑啦。

為左攪好呢個棟篤笑，我專登睇左近年棟篤笑既vcd。令我最深刻始終都係黃子華，因為我要比錢買。

我仲記得當我拎隻碟去比錢既情景，當時佢位女sales的眼神，絕對唔係一般女fan迷戀偶像既眼神。我分得到架，因為我都預唔少。

我隱約係佢既瞳孔睇到d野。

唔好笑呀！因為我細過打得多173173所以依家有神奇透視眼。

但係你依家打無用架，依家打最多都係得條神奇大底環！

講番個女sales呀，我feel到佢係到諗緊：「阿叔，以家你仲買碟？你唔識bt咩？」當時我就左一雙神奇透視眼黎答返佢：「咩你唔知古惑天王比人捉左咩？」之後我就比錢。

我比錢既時侯發現左一件好震撼既事，籌備10個月既棟篤笑原來只係值19蚊。

咁要賣幾多隻先番本呀？，我諗左好耐，最尾比我諗到一個節衷解決既方法，就係用10鐘去籌備呢個棟篤笑！

我真係好懷念好景既時侯，我講既係四樓有4仔佢間。

我仲記得第一次睇完4仔既心情係幾咁既彭拜，幾咁既高脹。

教育署真係要認真考慮下我呢個建議，就係係會考放榜既時候，隨成績單附送4仔。

成績好既咪高興下，唔好既咪發洩下囉。

以家d後生仔日文點解咁叻，都係全靠細細個跟過小澤圓學過下日文咋。

佢句也咩爹，曰本人都無佢地咁有感情呀！

以家我地就慘啦，「哥仔，樓上有四仔拎張卡片仲有8折添。」

大佬呀，我以前買4仔都係同女友講「可能賣game d人執錯左。」

以家，唔通同佢講「d海關掃得勁左，咁呀社團精簡架構將d部門合拼，咁一個人做四個人既野，睇水係你，買碟係你，攞貨係你，拉閘又係你，除外個紙皮箱捱義氣留扺幫下手收下錢，其他既野都係你做晒，你話啦，做錯又咩咁出奇！」

咁你可能會問，點解班海開肯咁搏掃晒d4仔，佢地唔係怕比人問責制！原因好簡單。因為佢地可以攞晒d証物返去慢慢睇。

咁賣碟班死仔又唔掙氣，唔跟封面都敢攞出黎賣。比人呃錢係事少呀，但佢種無限既失落感邊過負責呀！

唔通真係攞番去換呀！你估真係唔怕你鬧呀，「老細，隻隻碟都比你整到漿住晒，點換呀！」

「大佬呀！我唔睇過唔漿過佢又點知隻碟唔跟封面呀！」

籌備左10鐘既棟篤笑就係得呢10分鐘咋，多謝大家！